Web Garatzailea Mozilla Firefox, Seamonkey, Flock eta Mozilla Suitentzako hedapen bat da.

Hedapen honek webguneen garapenerako hainbat tresna dituen tresna-barra bat eta menu bat gehitzen ditu. Honela, webgunea bera aldatu gabe, esaterako, irudiak ezgaitu ditzakezu.

Tresna-barrak hainbat azpimenu ditu: Ezgaitu, Cookieak, CSSa, Inprimakiak, Irudiak, Informazioa, Denetarik, Inguratu, Neurriak, Tresnak, Ikusi Iturburua eta Aukerak. Eta azpimenu horietan dauden aginduekin edozer egin dezakezu.

Egin klik argazki baten gainean benetako neurriekin ikusteko.

Azpimarratu beharreko ezaugarriak

• Elementu ugari ezgaitzeko aukera: irudiak, cachea, estiloak, Java, koloreak...

• CSS estilo orriak editatu eta kudeatzeko ahalmena.

• Inprimakien maneiua

• Elementu ugariren informazioa (garaiera, IDa, ...) ikustea

• Elementu jakin bat edo batzuk inguratzea.

• Dokumentua balioztatzeko tresnak.

• Leihoaren neurriak era erraz eta zehatzean aldatzea.

• Orrien kodea aldatu ahala emaitza ikusteko ahalmena.